› 選擇地區
三藩市
紐約
洛杉磯
其他美國地區
香港 台灣 北美
 
2018年07月20日

爆相爆片:專人代佔灣仔泊位 的士霸路

謝斐道泊位畀的士霸晒,仲有人用雪糕筒霸位。

香港寸金尺土,想搵個泊車位都難過登天,但原來夠惡夠霸道,成條街就係你㗎喇,仲要有專人代霸位,簡直係五星級服務!

搵商廈保安代入錶

駕駛人士Gary話佢喺星期二(17日)下晝4點左右,打算去灣仔謝斐道食碗一蘭拉麵,當架車揸到去附近,發現成條街畀的士霸晒,就算有吉位,都畀雪糕筒圍封,有的士駛入先會移開,「好似成條街係佢咁!」Gary唔忿氣,於是舉機影相,佢話其中一位阿叔就埋嚟質問︰「你影乜嘢呀?」真係勢兇夾狼。
喺附近返工嘅Gary仲話,其實謝斐道同譚臣道泊位一直都畀的士霸住,佢哋會畀錢附近商廈嘅保安,代霸位同入錶,而好似謝斐道呢啲唔使錢嘅上落車位,更加離譜到有專人睇場,令其他駕駛人士冇得用。Gary之前曾經試過落車搬走雪糕筒,想泊車食個快飯,最終都畀睇場阿叔趕走,「我話條街唔係你㗎」,卻獲對方回應「咁點呀?報警囉!」
Gary話,間中都會有警車嚟巡視同趕車,但阿Sir一走,的士又泊返喺度,令佢哋好無奈。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載