› 選擇地區
三藩市
紐約
洛杉磯
其他美國地區
香港 台灣 北美
 
2018年07月13日

【基哥退黨】昔日戰友徒弟有咩講?
一聽「永續」就好慌

馮檢基昨日正式宣佈退出民協,此時此刻,阿基一眾昔日戰友、徒弟們,又有甚麼想說?

‧黃仲棋(曾被視為馮檢基徒弟,2015年區選在麗閣邨狙擊馮檢基,雙雙落選)

「佢而家退黨,同之後或再前少少退黨,冇乜意思,如果佢係對嗰個組織有感情,係支持下一代接棒,晨早都做咗啦(退黨),而家做到爛晒,走唔走冇乜關係㗎嘞,其實佢早就應該安排接班啦,佢就係冇吖嘛,人哋都走晒嘞...我始終希望佢哋(民協)新生代可以接到棒,其實佢哋加入民主黨都唔係一個壞事吖...梗係合併啦,一個咁嘅街坊組織有乜功用,加埋落去更加可以壯大力量。」

‧黃國桐(盛傳馮檢基主政年代曾想競逐主席挑戰,退黨後先後加入前綫、社民連及民主黨)

「(有傳馮或參加九西補選)係咩?救命呀!唔好啦,因為香港社會係需要新嘅衝擊,新衝擊要行多幾步...每人有每人嘅參選自由,但應該要諗嘅係,參選嘅目的、價值,係啲乜?可能以前係有啲成就,但都係以前啦,係要有啲新嘅目標同去向,我唔見你(馮)有呀。」

‧莫嘉嫻(不滿馮檢基參加補選初選而退黨,改投民主黨)

「如果佢真係參加九西補選,佢得唔得到人哋嘅支持?大家就拭目以待!但我對佢退出民協呢個決定係Surprise(驚訝)。工黨(新東立法會議員)張超雄話下屆唔選,係需要好大勇氣,阿基之前未有交棒,可能佢未放心,覺得民協嘅後生仔未係時候。」

相關新聞:馮檢基退黨:民主派不民主鄭宇碩反擊「佢一直冇為大局着想」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載