蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月13日

員工唯一任務:榨爆客人嘅倉

242,845

【本報訊】「將客人嘅本金榨乾榨淨,讓公司獲取最大利潤」,捲入倫敦金騙案的灝天金融一名員工向《蘋果》大爆公司「美人計」手法時,透露「榨爆客人嘅倉」是員工唯一任務,而獲聘的年輕男女,首日返工第一件事是安裝多個社交軟件搵客投資倫敦金,每交易一次,可獲1,200元佣金。
在灝天金融集團負責投資的John目前被放假,「公司叫我哋暫時唔使返工,等指示!」他更直言:「我都唔知會唔會被警察拉,𠵱家都唔敢返公司!」他又透露,為已簽署授權書的客戶操盤買賣倫敦金並不違法,警方今次高調拉人,有同事懷疑有人將客戶資產非法轉移至私人戶口。

向美女買相做頭像

John又說,獲公司聘請的都是𡃁仔𡃁妹,貪他們急功近利,且毋須學歷、經朋友介紹便可加入,「佢哋返工,第一件事就係安裝不同手機交友app,包括WeChat、遇見、陌陌等,然後換上靚女頭像,有啲係男扮女,借用公司靚女同事嘅相,然後搵人傾偈搵目標。」亦有美女賣相給公司,每張相單價百多元,若要見客則收費數萬元。
John笑言公司每個同事都是「高層」,「一入去已經係副經理,對上依次係經理、高級經理、副總裁、高級副總裁,最大係總裁」。而且每一Team的架構都一樣,「所以公司好多乜乜總裁」。據他所知,近年不少客戶均是內地人,游說他們將錢帶來香港後授權投資顧問代為操盤,每買賣一手,他們可賺1,200元佣金。「如果𠱁得掂個客再投資,我哋會榨爆佢個倉」。公司更推出獎勵計劃吸引客人,如投資額達66萬元,一個月交易740次可獲贈iPhone X。
■記者郭美華

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載