› 選擇地區
三藩市
紐約
洛杉磯
其他美國地區
香港 台灣 北美
 
2018年07月03日

爆相爆片:
那夜凌晨…… 
乘客坐上了發緊夢九巴

小記作為一位專業路癡,有唔少落錯車、行錯路嘅經驗,解決方法好簡單,就係行返轉頭囉,千祈唔好學呢位九巴通宵司機咁將錯就錯,結果成車人都去唔到目的地,攬炒囉!
讀者盧先生話佢噚日凌晨零時左右,喺深水埗上咗架N122九巴過海去銅鑼灣,喺九龍區嘅路程一直都相安無事,當巴士一出紅隧就出事喇,「一出隧道已經入錯線。」司機之後沿維園道向北角方向行,「喺避風塘停咗一次,部份乘客發覺佢行錯,已經落車。」據N122原定路線,離開紅隧後第一個站應該係灣仔南洋酒店,再去崇光百貨、維園,經炮台山、北角,終點係筲箕灣。

司機「唔知自己做緊乜」

司機冇打算停低或者掉頭一路行,經過天后、炮台山,呢個時候越來越多乘客發現唔對路,「問佢去緊邊,佢冇答,再問佢揸緊邊條線,佢講咗一個唔係呢條路線嘅號碼。」最離奇嘅係,車頭顯示屏站名係N122路線,「即係顯示下一站係南洋酒店,但佢話去緊北角,完全唔啱嘅!」爭持一輪後,乘客開始鼓譟,但司機仍然冇停車,「帶住班乘客唔知去邊!」
乘客要求司機返南洋酒店站,但司機喺天后繞左圈,「啲人癲晒,係咁叫囂!」司機見群情洶湧,終於開聲「唔好騷擾我,想去南洋酒店我就返去!」最終司機喺港鐵炮台山站停車,盧先生認為司機表現完全不能接受「好似唔知自己做緊乜!直情係危險駕駛!」、「直情發緊夢,唔知自己揸邊條線!」
九巴回應話,凌晨約1點半一部由美孚開出嘅N122九巴出紅隧後行錯維園道,車長發覺就改行高士威道、怡和街再返原來路線。對乘客造成不便表示歉意,並會按機制調查。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載