› 選擇地區
三藩市
紐約
洛杉磯
其他美國地區
香港 台灣 北美
 
2018年07月02日

東北案被告拒噤聲

【本報訊】13名新界東北案被告被律政司覆核刑期,去年8月被重判入獄13個月,至今年初成功保釋出獄,正等候上訴。東北案多名年輕抗爭者沒有因受過牢獄之苦而噤聲,昨日紛紛在7.1大遊行現身。
最年輕的東北案被告朱偉聰出獄後加入社民連,昨日在該黨7.1街站現身。朱指入獄經歷令他更體會自由的可貴,「喺監獄入面冇咗人生嘅自由,少咗一個表達意見嘅自由,趁𠵱家仲可以發聲,就一定要行出嚟,唔可以放棄」。朱指政權對於越加打壓及收緊港人集會遊行的權利,「有人話,可能第時唔會再有7.1,咁就更加要企出嚟」。

相關新聞:林鄭回應遊行聲明 比689更強硬

林朗彥:多人關注囚權

學聯前常委梁曉暘則指,今年7.1選擇站出來,是要自我提醒繼續堅持,「要繼續去對抗強權,雖然𠵱家嘅情況會令人灰心,但唔可以放棄」。若未來政權繼續收緊集會自由的權利,「都仲有好多方法可以去抗爭,亦都要喺日常作出改變」。
香港眾志主席林朗彥則指,今年7.1很高興見到多了關注囚權議題及支援政治犯的街站,「過去都少見,咁都因為𠵱一年越嚟越多政治犯出現,𠵱啲街站都令市民了解更多監獄嘅情況」。他又指,近年政府不斷挑戰公民社會的底線,但他並不擔心日後7.1不能再集會遊行,「見到都有人話如果係咁寧願公民抗命」。
有「社運小辣椒」之稱的嚴敏華(圖)今年7.1擔任民陣義工,談到在牢獄經歷時,她指「係冇咗免於恐懼的自由,監獄入面好多無理嘅規條,捉唔捉你都係睇懲教人員嘅決定,好易就觸犯」。她不能接受港人選擇放棄應有自由和權利,「如果大家都願意行多一步,香港嘅民主道路先至可以繼續行到落去」。
支援暴動案被告等抗爭者的組織「星火同盟」於遊行沿途設街站,呼籲市民寫信及心意卡給予仍在獄中的政治犯,並少規模籌款。
為「星火」站台的青年新政梁頌恆指市民反應積極,「被囚嘅政治犯係為咗香港人而犧牲咗自由,我覺得應該要展示到最起碼嘅支持,令佢哋唔孤單」。
■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載