› 選擇地區
三藩市
紐約
洛杉磯
其他美國地區
香港 台灣 北美
 
2018年07月01日

【7.1遊行】主題失焦唔出嚟行?
湯家驊:香港都冇淪陷!

7.1大遊行曾經創下奇蹟,03年成功推倒廿三條。前立法會議員梁頌恆,以及民主思路召集人湯家驊,都曾經是7.1常客,但近年變成稀客,對今年主題「結束一黨專政,拒絕香港沉淪」更不感興趣。梁頌恆認為,過去十五年,7.1遊行隊伍由當初目標清晰,漸漸變得失焦,「唔太知自己做緊乜」。

記者 袁楚雙

梁頌恆03年行7.1時年僅16歲,印象非常深刻,「因為我知道自己做緊乜」,周遭遊行人士亦目標清晰,「03年係好震撼嘅一件事,亦好見到成果,遊行完就拉倒23條」。此後每年7.1,他都去遊行,並曾代表學生會在隊頭「拉頭ban(banner)」。後來他開始思考遊行的本質和意義,「到底出嚟行,渴望達到啲咩?」2014年國務院頒下《白皮書》為港人真普選「落閘」,當年是他最後一次參加7.1遊行。

「2014年人數都係多,但氣氛(與2003年比)會有轉變」,當中的反差是大家初期目標清晰,慢慢有些年份遊行已經「唔太知自己做緊乜」,「好多抗爭手段都係有個目標,你目標究竟係咩?當冇呢個目標,你遊行為咗乜?你(主辦單位)係有責任話畀大家知。」

「星火同盟」今年7.1擺街站,為在囚抗爭者籌款。梁頌恆已答允現身街站協助,但未必加入遊行隊伍,「可能(去),但冇特別口號推動到我去。」

梁頌恆嘗試推斷群眾迷失的原因,其一是民陣失去維園足球場作為起步點:「呢兩年冇咗足球場,反映出嚟嘅意識令人有啲卻步。」他反問,是否完全沒有方法捍衛起點,「例如我哋號召人去慶回歸活動?咁唔會非法集會吖,連公民抗命都講唔上。」他形容起點位置只是小事,但反映抗爭者的決心,「今年主題係結束一黨專政,但當你起步點捍衛唔到,咁你點結束一黨專政?我哋點能夠捍衛層次高好多嘅價值?」

他認為另一個迷茫原因是大會主題失焦,「結束一黨專政係六四晚會必然口號,7.1遊行係咪呈現你要透過遊行達到結束一黨專政目的?又好似有啲遠,咁你又要有下一步行動。所以呢個口號有啲難驅動到人去參與。」他相信民陣內部也有相關討論,唯政治光譜太闊,或只能選擇最溫和的路線。


支援暴動案被告等在囚抗爭者的「星火同盟」,將於7.1大遊行沿途設置兩個街站,分別位於銅鑼灣恒生銅鑼灣大廈及灣仔北海中心對開。星火同盟發言人Kevin指,市民可一如既往到街站寫下心意卡,讓在囚抗爭者及家屬得到心靈上的支持。至於街站屆時會否為在囚抗爭者籌款,則尚未確定。

星火同盟戶口資料:
滙豐銀行:198-513343-292 (Kwong **K)
PaylPal:mailto:indihongkong@gmail.com

相關新聞:守護香港

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載