› 選擇地區
三藩市
紐約
洛杉磯
其他美國地區
香港 台灣 北美
 
2018年06月29日

隔牆有耳:射波新招 民記哭波喪停街站 - 李八方

民記街站個易拉架寫到明「德國出局休站一天」。

爭取衞冕嘅德國隊破唔到魔咒,不敵南韓緣盡今屆世界盃,唔少德國球迷哭波喪,但都唔會成為唔開工嘅理由啩?點知噚日網上流傳一張易拉架相片,主角係民建聯觀塘社區幹事鄺星宇,重點係易拉架上寫住「德國出局休站一天」八粒大字,有市民質疑係咪改圖,咁大膽蛇王唔開工?唔少網民就批評佢懶就懶,唔好賴落德軍輸波噃。

社區幹事話搞Gimmick

八方問過鄺星宇,佢話張圖係真嘅,唔係惡搞,解釋佢逢周四上午通常喺順天邨巴士站外開街站,但噚日同區有另一場活動撞時間,為免街坊覺得佢突然唔見咗,咁啱自己對德國輸波又有啲感覺,所以搞吓Gimmick將兩者串連,本來係諗住街坊都有啲共鳴,估唔到下面咁大反應。佢話其後都喺fb上載落區相,證明噚日朝早有出現過。睇返帖文佢自稱經歷德國隊輸波出局,懷住沉重悲傷心情開街站,並hashtag「街站是必須的」,唔會有人覺得此地無銀啩?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載