› 選擇地區
三藩市
紐約
洛杉磯
其他美國地區
香港 台灣 北美
 
2018年06月29日

西環集中營:劉小麗、李卓人行孖咇拉票 - 季陶

李卓人

劉小麗宣佈以「小麗民主教室」名義加入工黨,變相為日後萬一劉小麗參加九西立法會補選被DQ,李卓人可以屬相同組織名義,自動代替劉參選開綠燈,有民主派中人指,吸收了上次姚松炎敗選經驗,劉小麗加入工黨除了解決Plan B爭議外,亦令劉、李可以「行孖咇」開展助選工作,「北京、建制難以更準確評估佢兩個邊個勝算高,比較難DQ有勝算嗰個」。
該民主派直言,上次立法會補選政府只DQ周庭,未有DQ姚松炎,除了因香港眾志是北京眼中釘外,「我哋事後分析,北京見民主派因初選內鬥,姚松炎已因呢單嘢俾圍攻,民主派選民未必全部支持佢,唔DQ姚松炎可能對建制更有利」,他形容北京、港府在暗,民主派在明,「反正DQ龍門任佢搬,佢可以睇實民主派Plan A定Plan B民意支持度高,再決定係咪要DQ Plan A」。

建制難評估兩人勝算

由於這個原因,所以民主派才決定嚴禁對外評論究竟是Plan A劉小麗勝算高,還是Plan B李卓人勝算高,而且亦會對外表明,民主派只集中支持Plan A劉小麗,「只有Plan A劉小麗被DQ,Plan B李卓人先會選」,目的就是不想被分化,而為了令建制更難評估劉小麗、李卓人哪個勝算高,劉小麗、李卓人會「行孖咇」開展助選工作,「由𠵱家開始,劉小麗、李卓人會盡量一齊落區,叫市民支持佢兩個」,而民主派助選工作亦會以兩人為主,「總之叫街坊認住,補選只投劉小麗、李卓人」,這樣做就等於兩個人同一條隊參選,「兩個人支持度基本相同,冇話邊個特別支持度高,北京就好難話見小麗好似支持度高,於是DQ佢,增加建制勝算」。
季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載