› 選擇地區
三藩市
紐約
洛杉磯
其他美國地區
香港 台灣 北美
 
2018年06月20日

隔牆有耳:「魔警」徐步高曾睇中發叔? - 李八方

廖書蘭想明年底出書,分享劉皇發生平有趣事。旁為林偉強。林俊謙攝

鄉議局委員廖書蘭今午喺鄉議局副主席林偉強陪同下與記者茶敍,介紹佢本新書《被忽略的主角——新界鄉議局發展及其中華民族文化傳承》,由於本書講及唔少鄉議局歷史,林偉強話應該送本畀特首及一眾高官,令佢哋解決新界問題時,有更多相關知識。

鄉事派出書爆料

廖書蘭仲預告,希望明年底再出版一本名為《劉皇發的故事》新書,透露書中訪問咗唔少發叔身邊人,包括發叔親人、同村兄弟以及幫發叔揸咗40年車嘅司機等,當中有唔少趣事,包括發叔細個原來養過一隻了哥,每當發叔返屋企時隻了哥就會叫「發哥返嚟」,𠱁得發叔相當開心。發叔司機仲有段難忘經歷,就係當年「魔警」徐步高被警方擊斃後,警方曾要求見發叔同佢個司機,原因係警方發現徐步高紀錄咗發叔車輛出入地方同車輛顏色,相信徐嘅下一個目標可能係發叔喎!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載