› 選擇地區
三藩市
紐約
洛杉磯
其他美國地區
香港 台灣 北美
 
2018年06月18日

同志公僕擬上訴:倘留案例阻平權

【同志平權案】
【本報訊】公務員梁鎮罡(Angus)爭取同志配偶福利的司法覆核案「先贏後輸」,原訟庭裁定當局須承認已婚同性配偶並給予福利,但早前公務員事務局上訴得直推翻裁決。Angus晴天霹靂,過去兩年半為官司折騰、夜夜難眠。他接受《蘋果》訪問時稱,現正申請法援,期望上訴至終審法院,「如果唔上訴,就遺留咗個case law(個案法),未來平權更加無可能進步」。
眼見身邊一對同志戀人死別卻不能相送,自覺較幸運的Angus更要「行多一步」,捍衞同志伴侶應有的尊嚴。
官司始於2015年的平安夜,Angus自此沒有一刻輕鬆過。縱然原訟庭去年判他勝訴,他也沒有欣喜若狂,「點解我哋爭取一個咁基本嘅權利,都要用一個咁沉重、咁長嘅手續去做呢?點解唔係政府實踐承諾,去畀我哋公平嘅對待?」政府上訴得直後,他的壓力更大。

相關新聞:平權守則無用 政府帶頭歧視

見同志情侶遭遇啟發決定

Angus當初決定提請覆核,源於一份使命感,「我同我伴侶史葛(Scott)係比較幸運嘅一對,家人好支持我哋,咁點解我哋唔行多一步,為大家爭取一個公平嘅對待。」
他見過很多同志在工作崗位受盡歧視,未敢走出衣櫃,一對相戀已久的同志朋友更因此遺憾終生。該對情侶早已認定彼此,但害怕不被接受而未「come out」,至其中一人出海時意外喪生,伴侶聯絡不上,最終閱報才得悉死訊,卻不能拜會對方親人,「連幫佢嘅摯愛搞後事都做唔到,要每日上殯儀館網站搵對方資料。」
這事對Angus影響極深,「我哋成日話香港點樣走在世界最前面,但連最基本嘅家庭權利都畀唔到市民,我覺得係好有問題」。他2014年跟史葛結婚後,公務員事務局屢次拒絕提供配偶福利。他強調必須捍衞伴侶的尊嚴,「我同我嘅同事一樣,大家努力工作,服務市民,我哋都好愛我哋嘅屋企人,希望為屋企人提供保障……每每佢哋(同事)能夠做到嘅,我都做唔到,每每提醒返我,我喺呢間公司入面係一個次等嘅僱員」。
他希望在生命中每個關鍵時刻,史葛都是他的第一聯絡人,「𠵱家我(工作時)發生乜事,我伴侶係唔會被通知,喺法例上面,佢(史葛)同我係完全無關係嘅人……如果其中一個病咗,或者入咗醫院……可唔可以去醫院照顧佢呢?」
這場覆核戰也令Angus認真思考去留,若最終無能力負擔天價法律費用、或終極上訴後敗仗,他或選擇離開,「我哋本身好喜歡香港,我哋視香港為屋企,若果到最後我哋爭取過,但結果我哋仍然係一個隱形人,咁我哋會再審視返,到底香港係咪仲係一個我哋叫做家嘅地方?」
■記者周 婷

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載