› 選擇地區
三藩市
紐約
洛杉磯
其他美國地區
香港 台灣 北美
 
2018年06月12日

面對審判慘?還是流放慘?

「呢幾個月,我喺度讀吓書,同唔同嘅人傾偈嘅同時,好多人已經受緊審,咁……亦都有唔少人審完,服緊刑。有一個係我哋嘅同學㖭。我做唔到乜嘢去扭轉呢個局面,咁……我唯一可以做嘅就係……」沉默良久,他才說:「令自己更加好。好沉重呢個話題。」
—梁天琦去年於美國

「佢(警方)將我一個中學同學都落埋charge,嗰個中學同學係我哋啲成員(編按:本民前成員李東昇被控暴動及襲警罪,至今失蹤)。中一識到𠵱家。見到佢……個感覺好差,好似拖埋一個好好嘅朋友落水咁。」「啲嘢𠵱家好似倒帶咁。細細個已經去佢屋企打機,跟住淥麵食;以前一齊打《魔獸世界》,通宵打一個地下城,一齊組隊。𠵱家都係一齊組隊,一齊俾人告。」
「(自己)打定輸數,同埋叫黃台仰照顧我屋企人,如果佢平安無事嘅話。」
—2016年12月,梁天琦在旺角騷亂提堂後
.《地厚天高》

梁天琦罪成入獄。林子穎說:「佢嘅同輩啱啱大學畢業、啱啱踏足社會,改變得最快嗰幾年。以前可能大家仲半夜可以飲酒吹水,講媾仔媾女,講買衫扮靚化妝;出番嚟,你嘅朋友可能已經進入人生另一個階段,價值觀上一定有改變,可能要供樓,可能事業已經發展得很好。」她形容監獄是一個凝結青春的地方,「某啲位你係成長咗、有多啲人生歷練,但社會對你嘅影響係冇。」「中間嘅落差,可能會幾痛苦。」
本土民主前線召集人黃台仰與李東昇兩人去年9月棄保潛逃,失蹤至今。兩人的身影,不時在《地厚天高》出現。「坐監點都唔會係好事,但相信有比坐監更痛苦嘅嘢。」林子穎說:「我成日諗起黃台仰同李東昇。佢哋係比較開心,同天琦唔同。天琦係比較沉思,比較鬱結;李東昇同黃台仰係比較carefree嘅𡃁仔嚟。」「我成日諗起佢哋,譬如黃台仰喺巴士上面講,『香港其實好靚』,咁佢呢世人應該冇得再見到呢個景色。咁佢𠵱家點呢?過得開唔開心呢?拉勻一世嚟講,我判斷唔到,究竟返到嚟香港面對審判嘅人慘啲,定係流放嘅人慘啲。」
梁天琦之前去了美國,仍返港受審。林子穎對此說:「我話梁天琦有承擔,就好似話緊其他人冇承擔,我講唔出。」

相關新聞:聞判平靜 飛吻與女友道別

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載