› 選擇地區
三藩市
紐約
洛杉磯
其他美國地區
香港 台灣 北美
 
2018年06月12日

羅冠聰:恐物極必反

周永康、黃之鋒、羅冠聰去年11月與梁天琦聚會。資料圖片

【本報訊】旺角騷亂案中,3名被告分別被判囚3年半至7年,加上去年東北案及公民廣場案的刑期覆核,越來越多抗爭者被判刑。曾因公民廣場案而被判處監禁的黃之鋒及羅冠聰,認為日後參與社會運動的壓力將會因此而增加。

相關新聞:聞判平靜 飛吻與女友道別

黃之鋒:須更多支援

香港眾志秘書長黃之鋒認為應先着眼於當下社會運動的狀況,「當身邊嘅戰友或者投身喺政治運動嘅朋友,面對以年計嘅監禁年期,已經唔係講未來社會運動要點行落去,而係咁多人陸續在囚時,可以點樣有更多支援,或者點樣去捱過一波又一波判監嘅浪潮」。面對社會運動的低潮,他認為不是在於遊行人數的多寡,「而係情緒上面嘅影響會好嚴重,𠵱家面對6年嘅刑期,但6年係點樣概念,我諗好多人都未消化到」。
香港眾志前主席羅冠聰指,早於去年公民廣場案中,法庭已向社會發放一個具阻嚇作用的訊息,從那時開始,參加社會運動的風險已大大提高,「當權者都要諗吓會唔會物極必反,可能出嚟抗爭嘅人都會諗,既然都判到咁,不如再激烈啲啦,𠵱家社會就好似一煲滾咗嘅水,大家都唔知爆煲嗰陣會點」。
■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載