› 選擇地區
三藩市
紐約
洛杉磯
其他美國地區
香港 台灣 北美
 
2018年06月12日

人權律師:政府用盡權力對付年輕人

六七暴動歷時8個月造成52人死亡,暴徒當年在街上放置炸彈。

【本報訊】梁天琦因暴動罪被囚6年,刑期比以往六七暴動及白石船民中心暴動等參與者更重。多名法律界人士認為梁的刑期明顯過重,指旺角騷亂在影響範圍、時間及暴力程度等都不及六七暴動,相信法庭欲藉此帶出不能容忍此類行為的訊息。有律師稱「好難過」,批評港府「比殖民地政府更用盡權力去對付年輕人」,質疑港府未有因旺角騷亂而反省,「究竟𠵱家特區政府做緊啲咩?」
人權律師林耀強認為,梁天琦案的判刑明顯過重,因梁雖曾舉起雜物襲警,但他早已認罪,而暴動罪部份,其行為亦不如其他暴動事件般嚴重,卻要為當晚所有事故負上刑責,反映法例本身有問題。他指即使在殖民地時代,港英政府亦不會「用到咁盡嘅方式去處理(暴動人士),當時嘅六七暴動,(政府)都唔會好似今天我哋對待呢啲年輕人咁去處理,我哋政府喺50、60年後比殖民地政府更用盡權力去對付年輕人,聽到呢個消息好難過,明顯係過於嚴苛」。

相關新聞:聞判平靜 飛吻與女友道別

料難上訴減刑

林指殖民地政府在六七暴動後曾反省管治不足,「𠵱家嘅政府就唔係,可以告都告到盡,冇反省點解會出現呢個暴動,究竟𠵱家特區政府做緊啲咩,遠遠比唔上殖民地政府」。
法政匯思成員吳宗鑾亦認為判刑過重,因為今次旺角騷亂在影響範圍、時間及暴力程度等都不及當年六七暴動,相信是法庭想帶出訊息,指不接納此類行為。吳宗鑾對梁上訴的成功率感悲觀,「睇返之前終審法院對呢類案件嘅態度,都係唔會容忍,相信(上訴成功)比較困難」。
港大法律系副教授戴耀廷則說:「感覺(判刑)係重咗,如果你相較以前嘅更暴力、更加大嘅行為,(判刑)都未至於咁重。」戴耀廷指即使謀殺案,法官也會考慮被告殺人的犯罪背景再決定判刑,「冇咩理由暴動案完全唔考慮呢啲因素」。
■記者鍾雅宜、姚國雄

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載