《蘋果》最近揭發港鐵沙中綫鋼筋接駁位造假，但其實十幾年前都發生過圓洲角居屋短樁案，仲成為廉署經典案例。廉署最近將短樁案製作虛擬實境（VR）遊戲，參加者如同置身危樓中去處理任務，例如企窗台邊，似乎都幾刺激。
廉署話之前就有學生會搞電腦優惠時收受供應商利益，為咗向青少年宣傳防貪訊息，舊年開始研發VR同AR遊戲。而喺今年父親節（17日），廉署仲會喺賽馬會創意藝術中心舉辦首個結合藝術同廉潔嘅宣傳活動「我．誠」青年藝墟，市民可以體驗VR同AR遊戲。有興趣嘅可以今日中午上廉署「全城．傳誠」fb專頁拎張VR/AR通行證，當日仲會派青年展能藝術家創作嘅免費紀念品（圖）。
