› 選擇地區
三藩市
紐約
洛杉磯
其他美國地區
香港 台灣 北美
 
2018年06月06日

隔牆有耳:退唔退黨?今開記招講
政壇李克勤又起跑 - 李八方

政圈近日傳出創立民協嘅馮檢基有意退黨,不過馮檢基連日以來都無否認傳聞,只透過短訊回覆:「消息都說是流傳,故不答」。
有民協中人證實馮有退意,但黨內正極力挽留。沉默多日,馮檢基昨日向各傳媒發出採訪通告,指「去向受到傳媒朋友關注」,會舉行傳媒茶敍透露現時工作情況。據了解,馮今日會開記招宣佈成立新平台,但暫時唔會退黨。

7月出書轟泛民

有關馮檢基退黨嘅傳言滿天飛,有民協中人承認已經知悉馮有意退出民協,成立新壓力團體,同時已聯絡部份前民協區議員加入;亦有前民協區議員證實馮邀請佢加入新平台。馮曾經向黨友透露,退黨係因為7月發行嘅新書將會炮轟泛民,為免影響民協同泛民關係,佢自行退黨,黨友們雖然半信半疑,但都有極力挽留。
不過最多人流傳,馮檢基退黨嘅最大目的,係為即將舉行嘅立法會九龍西補選鋪路喎!
以上傳聞連日得不到證實,因為馮檢基至今未作正面回應。民協主席施德來早前就指,中委會未有收到任何人嘅退黨申請。究竟馮檢基會唔會同民協分手?消息話今日應該唔會講,但成立新平台一事就勢在必行㗎喇。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載