› 選擇地區
三藩市
紐約
洛杉磯
其他美國地區
香港 台灣 北美
 
2018年06月06日

鄧達智:人生哲學點都要靚

林燕妮愛出入ball場;圖為她於02年與鄭明明參加晚會。

【本報訊】擁有雙碩士學位的林燕妮,美貌與智慧並重,經常出入ball場,打扮性感迷人,艷光四射,被封為第一代ball后。林燕妮愛穿名牌,曾豪擲百多萬買紫貂皮草而面不改容。
鄧達智形容林燕妮的人生哲學是「點都要靚」,他說:「佢好怕人哋覺得佢年紀大,佢同霑叔(黃霑)分手後,有段時間佢成日約我去ball,但有次去加州大學同學會嘅party,有同學指住我問佢(林燕妮)『your son?』,嗰次之後佢就冇再約我,佢嬲到呢!」

相關新聞:拍住上叱吒廣告界 分手形同陌路與黃霑愛恨交纏14年

劉培基:活在童話

著名時裝及形象設計師劉培基跟林燕妮相交多年,指她的一生都活在童話世界內,性格愛恨分明,兩人緣於一支煙。
他說:「佢食煙食得好犀利,好佩服我戒得成煙。我第一次識佢就係煙仔,當年我喺英國讀完書返嚟,佢經朋友介紹嚟我度買衫,問有冇煙仔?我話喺枱度,叫佢自己攞。後嚟佢同人講,未見過咁嘅人,覺得我好特別。」
至於同樣被封為ball后的薛芷倫表示:「我同林燕妮姐姐已經認識咗好多年,中學的時候好鍾意睇佢寫嘅小說及散文,佢永遠都係一個好有品味同女人味嘅女人,佢對愛情同人生都有獨特嘅見解,後來我成日都會出入ball場,同佢都會有見面聚會,大家不時都會撞衫,會傾下扮靚、人生、愛情。」
■記者余燕儀、林妙萍

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載