› 選擇地區
三藩市
紐約
洛杉磯
其他美國地區
香港 台灣 北美
 
2018年06月04日

隔牆有耳︰
落選港姐抄考雪盈包糭圖 - 李八方

楊雪盈喺fb貼圖「鳴謝」劉聖雪「參考」其宣傳圖。

人有相似,何況係圖?但如果太似,難免有抄襲之嫌!灣仔區議員楊雪盈喺fb貼圖,一張係佢嘅辦事處舉辦嘅「有糭大坑」活動嘅宣傳圖,另一張係新民黨青年委員會副主席、落選港姐劉聖雪招募派糭義工嘅宣傳圖,雖然用色不同,但格式風格近乎一樣,楊雪盈以〈鳴謝新民黨落選港姐參考雪盈辦設計〉為題帖文,佢話議辦製作嘅圖5月4日已經發佈,「感謝」劉聖雪欣賞佢哋嘅設計,「不過我們希望劉小姐能尊重知識產權,『參考』我們創作部同工作品前可事前告知及得到批准」,仲誠邀劉聖雪和新民黨同佢哋聯絡,交流創作心得咁話,又hashtag「希望佢(劉聖雪)啲粽料好似佢抄得咁足就好」。

劉聖雪:欲加之罪

八方問過劉聖雪,佢承認兩圖設計有啲似,但認為「欲加之罪,何患無辭」?解釋網上都有唔少圖像嘅款式設計,有時都會參考,唔同人都有不同演繹;強調想集中精神做好地區工作,對此小事只會一笑置之!噚晚楊雪盈再出文暗寸劉聖雪,佢以〈「抄襲事小」,平反六四事大〉發文,再配一張平反六四圖,寫明歡迎各方人士「以任何形式及方式,下載、翻印、複製、發佈、傳送、分發或公開張貼此圖片」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載