› 選擇地區
三藩市
紐約
洛杉磯
其他美國地區
香港 台灣 北美
 
2018年05月28日

爆相爆片:
新奇事 「切到一半未見肉」 
惠康現特級厚皮橙

又到小記拋書包時間,話人唔知醜,可以用「臉皮厚」,話人極度唔知醜呢,就可以用「臉皮厚過惠康賣嘅橙皮!」點解?問吓住喺西環嘅讀者吳太就知喇!

相關新聞:爆相爆片:果欄專家教揀橙 要光滑重身

果皮佔重量六成

話說吳太上星期三喺北街嘅惠康超市,買咗一袋4個新奇士橙,第二日喺屋企切咗其中一個,準備同老公一齊慢慢嘆,點知怪事就發生喇!切呀!切呀!切極都見唔到盡頭,橙肉你在何方?「切到個橙唔見咗一半,都係冇乜橙肉!」吳太見到咁奇怪,第一時間懷疑呢隻係假橙,由於擔心安全,最後冇食到個厚皮橙,好彩其他3隻嘅橙皮厚度都屬正常,只係唔多甜囉!吳太同老公都話,呢世人都未見過咁厚皮嘅橙,除咗覺得好奇怪之外,仲好擔心咁嘅厚皮橙,食咗落肚對健康有冇影響?
小記都好想見識吓呢隻新品種,所以就去同吳太八吓,仲帶埋個電子磅秤一秤,發現個橙嘅總重量大概290.5克,果皮重171克,佔總重量近六成。嘩,咁到底係食皮定食肉呀?回水喇!抱歉,發現已經冇同一批橙賣,記者於是喺呢間惠康買咗另外兩批新奇士橙,但發現果皮厚度正常,冇異樣,所以睇嚟唔排除「超厚皮橙」只係個別事件。
小記之後去咗北街惠康超市睇過,發現已經冇呢批橙賣,於是買咗另外兩批新奇士橙,但發現果皮厚度正常,冇異樣,所以睇嚟唔排除「超厚皮橙」只係個別事件。
惠康發言人就話,𠵱家喺分店同新鮮食品中心嘅新奇士橙都係美國進口。相信有關情況係個別事件。超市對產品質量非常關注,希望顧客帶埋相關貨品去分店進行退款,協助了解事件再同供應商進一步跟進。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載