› 選擇地區
三藩市
紐約
洛杉磯
其他美國地區
香港 台灣 北美
 
2018年05月27日

高鐵試車再爆事故
馬時亨發爛渣拒交代︰畀咗資料你又點

【本報訊】廣深港高鐵試營運近兩個月以來事故頻生,港鐵每次都是被傳媒揭露後才承認事件。港鐵主席馬時亨卻指,公眾要相信經驗豐富的港鐵管理層,「我哋話畀你聽OK就得㗎啦」。他更惱羞成怒指傳媒追問更多資料無意義,「大家都唔係技術人員,畀咗(資料)你又點?」他力撐港鐵不公佈事故決定做法正確,港鐵日日有事故,若每宗都要公佈,「我哋管理層唔使瞓覺」。
記者:麥志榮

高鐵4月試營運以來,被傳媒先後揭發列車出軌、隧道及西九站漏水、車輪過度磨損等事故。馬時亨昨出席港鐵活動時回應稱:「我哋港鐵管理人員咁豐富嘅經驗,過去呢段時間遇到呢啲問題,我唔覺得係一個好特別情況,因為試運就係試運,就係想搵出問題吖麻,有信心9月通車目標可維持。」

相關新聞:屢失言 曾斥議員阻住地球轉

指記者非技術人員毋須了解

馬時亨又指港鐵並非透明度不足,而是不可能事事都向外報告,而且涉及內部資料,不能公佈太多。公眾「要相信我哋管理層,如果唔係,咁樣落去,我哋管理層唔使瞓覺都得勒,因為日日都咁多嘢發生」。
有記者追問港鐵為何不肯公佈高鐵列車車輪磨損的程度,馬時亨反駁:「其實你哋需要咁多資料係無乜意思」。他力撐港鐵管理層不公佈資料決定正確,「最緊要知道呢個咁嘅磨蝕會唔會影響將來系統安全,係咪?呢一方面我哋同事已講咗係唔會,咁就無謂畀太多資料啦。」
他對記者說:「大家都唔係技術人員,畀咗你又點?你又攞住去研究一輪,咁都無意思。我覺得最重要係無論點都好,我哋同事喺技術方面係絕對、絕對有豐富經驗,我哋話畀你聽OK就得㗎啦,你唔使擔心嘅,你明唔明呀?」
但他承諾,若高鐵出現不常見的事故,安全系統出問題,或影響通車目標,一定第一時間公佈。
一地兩檢關注組召集人、公民黨議員陳淑莊指出,市民、議員監察高鐵屬理所當然,「一間香港獨市做鐵路嘅公司、上市公司,政府係最大股東,市民要過問、議員都要過問」。市民必將馬時亨嘴臉看在眼裏,若馬堅持如此態度,不應繼續擔任港鐵主席。
另外,立法會將在6月6日恢復二讀一地兩檢條例草案,運輸及房屋局長陳帆表示,希望議員以平和、理性、務實態度處理,毋須花太多時間通過草案。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載