› 選擇地區
三藩市
紐約
洛杉磯
其他美國地區
香港 台灣 北美
 
2018年05月23日

屬政府財物 可判囚10年

大埔金毛怪漢偷走牛肉乾。

大埔金毛怪漢偷走牛肉乾,大律師陸偉雄指咁做係犯法兼且唔道德,因為車主唔知道食咗牛肉乾,可能因為咁而遲交罰款,導致俾法庭收雙倍罰款,嚴重嘅仲可能被通緝。陸話,怪漢已違反咗最高可判監10年嘅盜竊罪,因為告票係政府財物嚟㗎。
今次牛肉乾怪盜有乜動機,都仲要等警方調查。但據以往嘅案件,偷牛肉乾動機主要有兩個,第一,可能係區內居民不滿違泊嚴重,故意偷走受害人嘅牛肉乾,令車主遲交告票被額外罰款及處分,或者係希望偷走告票,令其他巡邏警員誤以為受害人嘅違泊車輛冇被抄牌,等警員向受害車主發出另一張告票,令車主要承擔額外嘅違泊罰款。

相關新聞:爆相爆片:連偷兩張牛肉乾金毛愛找數定靠害?

曾有人將告票「嫁禍」他人

第二,故意偷走人哋嘅牛肉乾放喺自己違泊嘅車上當「擋箭牌」,誤導警員以為已經向佢架車發出告票,唔會再抄。
今年3月就有一單更離譜嘅牛肉乾騙案,一名男子為逃避支付告票罰款,竟然修改牛肉乾上嘅日期同車牌號碼,然後將佢放喺沙田石門其他無辜車主嘅車頭上,希望對方唔覺意下代交罰款。好彩醒目車主識破奸計報警,警方其後拘捕涉案男子。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載