› 選擇地區
三藩市
紐約
洛杉磯
其他美國地區
香港 台灣 北美
 
2018年05月22日

八方相當年:張仁良細個曳曳 老師扑頭 - 李八方

教育大學校長張仁良曾經被「扑頭」,事發喺佢求學期,張校長形容當年「坐唔定」,未至於班中最奀皮,卻係「多嘴仔」,上堂會傾偈,自不然被老師打手掌同罰企,仲試過被老師用書「扑頭」懲戒。張校長喺香港真光小學部同香港鄧鏡波書院讀書,即係由小學嘅「女校男生」升上男校,放學經常趕去修頓球場或者維園踢波,有時亦會去灣仔東城戲院或香港大舞台(現址合和中心)睇戲。
1982年畢業於中大主修數學,之後赴法國攻讀碩士同博士。佢話當初人生路不熟,法文又唔太好,病咗都唔知點同醫生講,但就回憶多多,1985年佢獲法國巴黎第六大學嘅統計學博士學位。之後又喺英國斯特拉斯克萊德大學取得金融學博士學位。

因肺結核休學自修入中大

查實張校長求學時都有艱苦期,中六近暑假尾時患上肺結核,「嗰時日日打針同食藥,一盒藥丸有20幾粒」,留院近兩個月,趕唔切開學,休學一年,最終決定自修,當時仲趁唔使返學提早到自修室幫同學霸位溫書,最終透過自修生申請獲中大取錄,「我好記得打最後一支針嗰日,剛好獲得中大取錄,呢啲情境至今仍然歷歷在目」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載