蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月20日

拆遷前最幸福的相遇
新界東北遺民救末期癌浪浪

7,470

「最擔心係收村後,呢班動物變晒做流浪貓狗,自生自滅好慘!」政府將於2019年向立法會申請賠償撥款,新界東北發展如箭在弦。居於古洞寮屋5年的藍太,最擔心的卻是與如家人般親厚的唐狗「黑妹」分離。她在4年前與黑妹相遇,陪毛孩戰勝了癌魔,想不到家園卻面臨遷拆:「如果安排到中轉房屋,未必可以帶到狗隻。」不只黑妹,區內超過2,000隻村貓村狗亦將面臨流離失所,政府卻從未計劃安置方案,任由「自生自滅」。藍太無奈作最壞打算:「可能全部都會被人『啪晒』(人道毀滅)。點解唔可以容許佢哋生存呢?」

記者:陳麗賢
攝影:黃文邦
剪接:魏利民

我的家 你的庇護所

穿過簡樸的鄉郊小路,走到藍太的門前,不時會見到一群狗兒聚集,熱鬧地圍著藍太討玩又討吃。當中一隻特別沉靜,視線卻久久不離藍太的,便是年逾14歲的黑妹,「佢好有人性囉我覺得。」藍太笑說。憶起4年前,黑妹跟隨兩隻黃狗走到家門停留,猶如向她求助,「初初佢嚟到呢度,好得人驚㗎。有皮膚病又有腫瘤,又瘦。」雖然附近的鄰居都勸她放棄,但藍太卻選擇堅持照顧黑妹,「或者我同啲小動物係有一種緣份喺度,我覺得佢哋係需要人類嘅幫助。」從此黑妹找到一個溫暖的家,也樂於當藍太的「守護使者」,「住喺度好安心,有呢班守護家園嘅小動物喺度。」藍太笑說。

好景不常,黑妹在幾個月前突然情況惡化,腫瘤脹破流血。藍太不忍黑妹受苦,準備帶牠見獸醫,卻從黑妹眼神看到堅強的盼望:「佢好似同我講,我唔想走,我要留喺度。咁我就:『好啦,你唔好走啦!我睇吓盡力幫你醫好佢!』」沒想到,奇蹟降臨,黑妹經過藍太和藍生每日細心護理後,腫瘤竟然漸漸縮小。「佢一路路好返,個人精神咗又有胃口。」每當藍太走出家門,黑妹更會提起勁默默跟在藍太身後,猶如以最大的忠誠,回報對她的感激。

除了黑妹,村內亦有大量社區貓狗生活,欠缺照顧又不時挨餓。藍太不忍心,經常放新鮮的食糧在家門,「雖然話我冇咁嘅義務去幫啲狗仔,其實我覺得幫咗佢,我開心囉,佢又開心。」入住古洞寮屋5年,她笑說學得最多是照顧小動物:「啲貓呢,就鍾意擺buffet (自助餐)式,24小時返嚟食幾粒咁就走咗去。但啲狗就唔同嘅, 一食就要食晒同飽肚,咁就餵2餐。」每到晚上,更有超過20隻貓在藍太家中「開餐」,「即係好似庇護所咁,佢哋出面搵唔到食嘅,就返嚟有得食囉。」

2,000毛孩未獲安置方案 前路茫茫

可惜,儘管藍太與黑妹能暫時戰勝病魔,卻敵不過家園被拆命運,分離仍然近在眼前。藍太每日照顧的村貓村狗,更隨時因為遷拆被迫變成流浪動物,讓她非常憂心:「一發展就污煙障氣,無人住亦無食物,佢哋唔知點生存。」然而,政府早前回應立法會議員朱凱迪就「保護受發展項目影響的鄉郊動物的福利」的質詢,無表示會有任何動物政策,只說會保障公共衞生安全。這群被忽視的「遺民」,在推土機前又將何去何從?

毛孩領養查詢:古洞(非人類)動物互助社( https://bit.ly/2GvEz33 )

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載