› 選擇地區
三藩市
紐約
洛杉磯
其他美國地區
香港 台灣 北美
 
2018年05月19日

爆相爆片:巴士垃圾蟲神邏輯 
「有人清潔 你唔知呀?」

拋垃圾唔想執,最緊要聲大夾惡夠厚面皮。喺facebook群組有條片,有乘客影住個男人喺巴士上食嘢,點知佢將包裝紙隨手就向後拋去巴士最後座位嘅糟位,其他乘客批評佢亂拋拉圾,點知呢位阿叔就話:「有清潔(員)會執㗎嘛。」佢仲反問拍片嘅乘客知唔知巴士站會有人到車廂清潔?呢位咁冇公德心嘅阿叔仲要好自豪咁話,自己又唔係將垃圾拋喺地上,一副完全冇問題嘅模樣。
網民就即時以呢位阿叔嘅邏輯反問,如果有清潔工就可以亂拋垃圾,咁要垃圾桶嚟做乜?仲話既然係咁,呢位阿叔應該喺車廂度大便埋,因為有人會幫佢清潔㗎嘛。有網民就建議,若垃圾不在地上就冇問題,其他人應該向呢位男士身上吐痰、小便,總之唔好掂到個地。對付呢啲無公德心嘅人,唔通真係要咁無賴?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載