› 選擇地區
三藩市
紐約
洛杉磯
其他美國地區
香港 台灣 北美
 
2018年05月19日

憶威院診症無飯食 「香港醫生好辛苦」

劉家榮在英國完成全球首宗支氣管鏡微波消融腫瘤手術。受訪者提供圖片

【本報訊】劉家榮在英國讀醫及受訓,並一直在當地醫院工作,2011至2013年回港進修,在威爾斯親王醫院工作,是他首次在香港行醫。他指,完成訓練後本想留港,但倫敦聖巴多羅買醫院讓他建立及主理胸腔外科,機會太難得,終決定回英發展,但不排除日後會返港工作,「香港始終係我屋企,我嘅家人、我嘅心都喺呢度」。

相關新聞:完成全球首宗免開刀消融腫瘤 港產無創治癌聖手 中大學藝 英國發光

英國全民免費醫療

「要學返點用廣東話同病人解釋」,他回憶當時在威院工作的點滴,首先想到是香港人的效率,他舉例,病人做完手術,英國會採用保守方法,讓病人在深切治療部(ICU)觀察,但香港連ICU都不用入,甚至部份人拔喉後可同日出院,「將方法帶咗返英國,護士開頭都質疑,之後就明白對病人康復係好事」。
香港及英國有不同的醫療系統,各有利弊,如香港病人多,輪候時間長,「我睇門診都試過要skip lunch(不吃午餐),想用多啲時間同病人講解」;又或醫生不足,「香港醫生好辛苦,好似成日缺乏醫生咁,但唔知點解決,新一代唔多想讀醫,可能因為辛苦……但人口老化又要開多啲醫院先解決到」。
在英國卻沒有輪候問題,他說,每一科都有規定的首次看醫生及接受治療時間,「政府規定(肺癌病人)要兩周內見醫生,現時62日,遲啲改到42日要做治療,如果過時間會每日罰醫院錢」。對病人是好事,醫生壓力卻大增,「見病人就夠期,醫院會要求醫生快啲做手術……病人如果喺waiting list過身,好大件事,有法律責任」。
此外,香港部份檢查或醫療程序病人需自費,但英國全民免費醫療,醫生就疾病提供治療選擇,病人不用擔心要搵錢醫病,但免費醫療亦有問題,「係人都包,病人覺得係應得,對醫生會有好多要求,例如要指定診症時間」。
他現時工作的倫敦聖巴多羅買醫院胸腔外科,是他2013年從香港回倫敦後一手建立,專門做肺及胸腔手術,經過5年發展,規模由當年的3名醫生一年做400宗個案,發展到現時有7名外科醫生,去年全年服務1,500名病人,「暫時仍然會喺倫敦做嘢,中心發展空間仲好大,希望可以用科技幫病人長壽啲」,但他不排除將來回港工作,「我好愛香港,否則唔會一年返嚟兩、三次」。
記者:嚴敏慧

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載