蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月16日
馬上成為壹會員

隔牆有耳:專業議政開公司疑鋪路組黨 - 李八方

專業議政梁繼昌(中)

6名民主派功能組別議員梁繼昌、莫乃光、郭榮鏗、葉建源、李國麟同邵家臻喺立法會組成聯盟「專業議政」,雖然唔會綑綁式投票,但以人數來計,都算係民主派第二大板塊,影響力不容輕視(盛傳娥特似乎都同佢哋有幾多偈傾),八方發現佢哋早排以「專業議政」名義成立有限公司,更加會開設銀行戶口處理資金,唔通係為成立政黨鋪路?

梁繼昌:方便搞活動

根據立法會申報,專業議政6名成員上月中分別向立法會秘書處申報為「專業議政有限公司的創辦成員及非受薪董事」,呢間公司係一間於香港註冊嘅擔保有限公司。八方問過成員之一嘅梁繼昌,佢承認早排已經用「專業議政」名義註冊有限公司,原因係以議員或個人身份搞活動嘅話,較難處理保險等問題,好似上月佢同郭榮鏗搞「香港打擊人口販運國際會議」就遇到困難,為咗日後方便舉行唔同嘅業界活動,佢哋有共識成立公司。
至於日後會唔會以專業議政名義參選,或者會唔會成立政黨呢?梁繼昌就話冇講過,叫八方唔好估太多喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載