蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月16日
馬上成為壹會員

隔牆有耳:尹兆堅加入「成功爭取」系 - 李八方

阿尹見街坊頒獎畀匯豐時滴晒汗。

人人都將「成功爭取」掛喺口邊,其實大家又知唔知,真正嘅「成功爭取」一啲都唔容易,最近民主黨立法會議員尹兆堅就反傳統整咗段片惡搞自己。

令滙豐重開入票機

阿尹同該黨區議員黃麗嫦曾拍片鬧爆滙豐銀行取消屯門良景廣場嘅支票存款服務,令居民好唔方便,搞咗半年,滙豐終於順應民意。阿尹決定以「成功爭取」短片廣傳喜訊。佢喺fb上傳短片,由良景街坊親自領銜主演,內容大致係一班街坊對於「成功爭取」滙豐支票入票機非常高興,仲搵埋尹兆堅同黃麗嫦慶祝,點知班街坊唔知道係議員為佢哋爭取呢部機,竟然將個「終於做到嘢獎」頒咗畀滙豐代表,搞到阿尹同黃麗嫦不知幾尷尬,見街坊頒獎仲滴晒汗。
八方問過阿尹,佢話今次想要用詼諧方式親自講解爭取滙豐支票入票機嘅艱辛過程,呼籲大財團機構要有企業社會責任,唔好遠離市民期望太遠。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載