› 選擇地區
三藩市
紐約
洛杉磯
其他美國地區
香港 台灣 北美
 
2018年05月14日

【一周必看】
郭可盈慘變「啫時」 方健儀:Jessie係咪咁難讀

八、九十年代嘅電視劇,有啲人會覺得是旦一套都好睇過o依家啲電視劇,唔少觀眾近日喪追睇《刑事偵緝檔案II》,睇「大勇」陶大宇、「Jessie」郭可盈、「Carmen」郭藹明呢段三角關係,同時Sammi啲fans又好期待偶像之後兩集開始出場。

之但係,許多觀眾搵到一個gag位,就係陶大宇叫Jessie嗰陣,Jessie讀音變得相當撲朔迷離。

究竟係「啫時」、「遮時」、「遮匙」定「雀時」……

方健儀日前喺facebook貼出《刑事II》嘅劇照,留言:「真大鑊!昨晚睇完《刑事II》,太緊張,用盒子一口氣追左兩集到凌晨三點……『啫時』、『啫時』……其實『Jessie』係咪真係咁難讀呢?」

旋即引起網民嘅集體回憶,有位網民回應:「我都記得當年睇嘅時候,老公有話Jessie個名,讀到『遮匙』咁。哈哈。估唔到咁都係回憶哦。」另有網民就搞鬼回應:「大勇腔表達不滿時,就叫『啫時呀』。」有網民笑言「我都想講好耐,佢一叫『雀時』,我就覺得好好笑」、「可能導演要求,或者呢個係大宇本身讀法」。

此外,一位追睇《刑事》系列嘅網民話連睇兩輯發覺第一輯大勇係冇叫過「啫時」而係叫「阿婕」,到第二輯先叫「啫時」,另外,蔣志光有好幾集都叫咗做「Jess」,但冇retake過。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載