› 選擇地區
三藩市
紐約
洛杉磯
其他美國地區
香港 台灣 北美
 
2018年05月11日

死者子:點可以調轉講?

王冰蕓指作為病人家屬,不能接受醫生面見卧床的病人多次都無發現任何護理問題。資料圖片

【本報訊】對於醫學界於醫委會判決後群起反對,死者王肯構的兒子王冰蕓昨接受電話訪問時表示,雖然理解醫生會同情同業,但認為當年爸爸的死,涉事的主診醫生黃卓義已被醫委會裁定有不可辯解的基本責任,「巡咗咁多次房都發現唔到爸爸個造口俾紗布封到實一實,(醫生)責無旁貸,(其他醫生)點可以調轉講法呢﹖」
王冰蕓指,理解醫生的工作量大,需要兼顧很多臨床工作,但作為病人家屬,不能接受醫生面見卧床的病人多次都無發現任何護理問題,「而且簽埋排板、醫療紀錄……假如他日佢嚟巡你間(病)房,你會唔會覺得安全呢?」
他稱,個人對於醫生批評醫委會的判決沒有太多感受,「但我始終相信醫委會嘅判決係公平、公道」。他又指出,不希望事件繼續發酵,否則會進一步影響醫患關係,「其實病人同醫生係唇齒相依」,期望爭論可以盡快平息。他亦說,當務之急應是重修醫患關係,「呢個責任,政府、醫管局都有……我接受咁多次訪問,並唔係要挑起事端,我都想到最後,醫管局可以增加醫生人手、醫生有多啲時間睇症,咁樣醫生、病人都係雙贏」。
■記者于健民

相關新聞:醫生不滿凡事被祭旗

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載