› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

隔牆有耳:官媒點名讚左校大聲說愛國 - 李八方

《人民日報》海外版點名大讚左校校長推國教。

厲害了,我的國!《國歌法》都未正式立法,內地官媒《人民日報》海外版就率先出文,講到香港嘅左校雖少,但發揮作用嘅不容睇小,然後又報道幾位左校校長講述國教嘅重要性。呢篇文條題係〈香港學校:大聲說出愛國愛港〉,彷彿佢哋都覺大聲講「愛國愛港」出嚟要有相當嘅勇氣。文中話「愛國正氣」喺香港正「加速培育」,當然都有人迴避、冷待、抗拒國教啦,但可貴仲有班左校「熱血校長」,好似港專陳卓禧、將軍澳香島鄧飛等等,願意喺「打壓」下堅定地推行國教。
教聯會主席黃錦良話,2004年教聯會成立制服團體香港升旗隊總會,到𠵱家已經有400間中小學成立咗升旗隊。而喺呢啲正能量下,天水圍香島中學學生曾子揚咁樣講:「國歌聲起,一種感動從廣闊的空間一直延伸至小小的心房,時間彷彿停止了。」勁呀,直頭聽完國歌飯都唔使食喇!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載