› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

爆相爆片:或受聘犯罪集團

前年12月,便裝探員喺太古城H&M分店捉到一個越南拖篋男。

今次涉嫌偷竊6IXTY 8IGHT衫褲被捕嘅43歲女子,據稱係持行街紙越南人,翻查以往報道,發現越南幫偷衫情況近年相當猖獗,好似舊年3月警方破獲一個活躍西九龍嘅越南偷衫黨,由主腦接order後,安排持行街紙同黨到目標店舖偷竊,並安排贓物放喺加裝錫紙嘅手挽袋內,目的係要避開檢查裝置。前年12月,便裝探員喺太古城H&M分店捉到一個越南拖篋男,喺篋內撿獲8,000蚊贓物,經調查發現他持行街紙留港,唔排除佢係受聘犯罪集團犯案。
其實咁多單盜竊案都同越南人有關,難怪巿民對少數族裔有誤解,有蘋民甚至留言:「越南黨專職偷衫,南亞專搶刧。」融樂會倡議主任彭婉儀話,有唔少巿民會誤會本地生活嘅南亞人都係好食懶做,其實佢哋大部份人都已落地生根,有啲會從商,有啲學歷高至博士生,亦有人做地盤或服務業等基層工作,可以話佢哋都有為香港社會出一分力,只係大家對他們了解不足所致,認為政府應該做多啲族群共融嘅教育宣傳,先可以破除雙方隔膜。

相關新聞:爆相爆片:連鎖店偷衫斷正中女跪求阿Sir畀機會

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載