› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

爆相爆片:連鎖店偷衫斷正
中女跪求阿Sir畀機會

跪地求饒有用咩?讀者陳先生前日下晝4點左右,一家人去旺角荷李活商業中心商場地庫睇衫,諗住行街時見到好多人企喺女裝專賣連鎖店6IXTY 8IGHT外面,好奇望向人群注目處,當場活生生見證一幕「越女跪求差人」的場面。

相關新聞:爆相爆片:或受聘犯罪集團

阿Sir:有咩返差館先講

陳先生話當時個中年女人個樣愁到爆,嚇到面青青,係咁喺度同阿Sir求情,佢話當時聽到個女人用唔係好純正嘅廣東話講咗幾次:「畀次機會我,放過我啦。」可能個女人被阿Sir嚇到好驚青,除咗一味喺度向阿Sir求情,講講吓仲突然跪低,見到呢一幕,佢同在場圍觀人士都嚇一跳,阿Sir都窒一窒畀唔到反應,「隔咗一陣同個女人講,叫佢唔好咁樣,快啲起番身,有咩事返差館先講」。片中仲聽到差人講咗句:「你跪我都冇用㗎!」佢聽講個女人偷衫俾職員發現,當場人贓並獲,職員即刻報警處理。個女賊可能見成堆阿Sir嚟到執正嚟做,仲搵晒同事guard住佢,所以先至跪地求饒。成件事擾攘咗10幾分鐘,最後阿Sir將個女人鎖上手銬,將佢押上警車帶返警署。
《蘋果》向6IXTY 8IGHT了解,涉事嘅6IXTY 8IGHT職員話唔方便回應。警方就話前日下晝3點接到報案,稱有一個43歲持行街紙嘅越南籍女子,涉嫌偷走5件共值500幾蚊嘅衫褲,警方事後將佢拘捕帶署,目前交由旺角CID 1隊跟進。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載