› 選擇地區
三藩市
紐約
洛杉磯
其他美國地區
香港 台灣 北美
 
2018年05月06日

港人母語係漢語?
田少教你回一個字

教育局近日被揭於2013年向全港小學派發的普通話課程配套資料中,收錄由中大研究普通話學者撰寫的文章,指「香港漢族人的母語是漢語」,粵語只屬漢語的方言,「一種語言中的方言不能視為母語」,連日被炮轟。前立法會議員田北俊在facebook「抽水」出post,為突顯「廣東話就係勁」罕有爆粗,落hashtag「X」,「如果有人同你講香港人母語係漢語,你祇需要用廣東話中嘅一隻字回敬佢就得啦,唔使用劍嘅」。

網民大讚田少講得好,認同用廣東話中最鏗鏘有力的一個字回應,並附和指「呢個政府迫人講粗口」。不過有人質疑如此絕妙的「單字」回應,「到底係真.田少定真.Admin嘅心底話」。

田少的fb日前亦在民主黨立法會議員許智峯涉搶手機事件後「抽水」,指自己之前做議員時,政府狗仔隊只「啄住」建制派議員,「驚死唔夠人投票。但點解今時今日連許智峰都要跟埋?」,並落hashtag「#乜民主黨係建制派咩?」網民亦讚講得妙,認為田少「仲係一個有良知嘅香港人」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載