› 選擇地區
三藩市
紐約
洛杉磯
其他美國地區
香港 台灣 北美
 
2018年04月27日

西環集中營: 
許智峯事件 建制要「凌遲」民主派 - 季陶

許智峯

許智峯在立法會開一地兩檢草案委員會期間搶政府「狗仔隊」手機事件,已成建制派圍攻民主派的最新「武器」。有民主派中人稱,建制派表面上來勢洶洶,似要盡快向許智峯及民主派開刀,但他們認為建制派真正的「劇本」是要拖長事件,要「凌遲」而非「一刀了結」,「最好搞一年半載,拖到下年區選就啱」。

「最好拖到下年區選」

該民主派中人形容,建制派已認定今次事件「足夠做死整個民主派」,就以昨日開行管會為例,他聽聞民主派原本以為,建制派看完CCTV片後會即時開火,逼民主派表態支持譴責許,「點知佢哋鬧幾句就收,火力仲細過上次鬧郭家麒喺示威區搭台超標單嘢」,又同意讓多議員可以看到CCTV片。從建制派種種部署,他認為建制根本不急於即時「見血」或要盡快逼民主派表態,「佢哋睇死民主派根本冇得撐許智峯,所以不如慢慢玩大件事,先搞行管會開擴大會議,等更多建制派睇到條片,到時咪可以加多幾把口砌許智峯同民主派,炒到件事更加熱」。
另一民主派亦同意,建制派今次明顯不急於對民主派「一刀了結」,「佢哋反而想慢慢煲呢單嘢,即係凌遲民主派」,有建制派中人對他說,建制可以「睇住民主派嚟玩」,因為今次事件中,「民主派保許智峯又會俾一般市民鬧;民主派同佢割席?就俾一啲民主派支持者鬧」,所以建制派「最想拖長件事玩,等民主派不斷受呢件事打擊」。更有民主派人認為,建制根本就想將事件拖一年半載,「最好拖到下年區選,到時又拎呢單嘢出嚟插民主黨區選候選人,甚至用嚟打擊其他民主派嘅選情」。
周一、三、五刊出
季陶

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載