› 選擇地區
三藩市
紐約
洛杉磯
其他美國地區
香港 台灣 北美
 
2018年04月25日

首被告談埋屍:黐咗線咁要埋尾

首被告曾祥欣

【石棺藏屍案】
【本報訊】荃灣DAN6工廈石棺藏屍案昨續審,控方播放首被告曾祥欣(阿T)的第二次警誡錄影會面。他指次被告阿豪殺了死者後要他幫手買沙泥埋屍,「佢話唔幫佢就當係共犯」。警方問為何阿豪案發後一度離港,他仍繼續埋屍,他說:「我哋3個人開咗個頭,好似黐咗線咁要完成件事,要埋埋個尾。」阿T自言曾提議報警,「我話不如自首啦,都係坐幾年㗎啫」,但另外兩人沒理會。

相關新聞:稱與死者賣次貨紅酒 騙3有錢人

稱曾提自首無人理

前年3月4日早上,大廈閉路電視拍到阿T和第三被告張善恆(阿K)購物回來。阿K手持膠樽,阿T認得「同我平時買開嗰啲哥羅芳同一個牌子」,「劉錫豪(次被告阿豪)叫我哋買住先,因為屋企唔夠」。他指樽內的淺黃色物質顏色不像哥羅芳,他嗅過但忘記是甚麼。警方沒追問哥羅芳用途。
阿T說同日下午阿豪在單位殺了死者張萬里(阿J),阿豪和阿K提出斬開屍體,他有附和,他提出自首則不獲理會。最終阿豪建議造石棺埋屍,他們買了幾塊木板、幾袋沙和石英泥,用大木板做石棺底部,「攞咗4塊木板圍咗個框框,倒咗啲英泥,仲係『杰杰』哋嘅時候『pat』咗條屍入去。」當時屍體已變硬。
隨後阿豪前往新加坡參加街舞比賽。警方問阿T,為何阿豪走了他們仍繼續埋屍,阿T說:「我哋3個人開咗個頭,好似黐咗線咁要完成件事,要埋埋個尾。」他不知「小草」何菱瑜有否看過屍體,「張善恆遮住咗個箱,唔想佢見到條屍」。
阿T指石棺其中一面尺寸是1米乘1米,要打直豎起才能運入升降機。3月8日晚上8時阿豪已回港,3名被告合力將石棺推入升降機,但試了兩次都過重,只好推回單位。阿T清潔地面血迹,「(石棺)打直嘅時候就開始流,本身打橫嘅時候冇咁犀利。」升降機過重的響鬧聲還驚動大廈看更上樓查看,「佢話過重嘈到人,你哋冇辦法搬落去㗎喇」。
阿T憶述他們決定爆開石棺,取出屍體放入行李箱丟棄,想過棄於泥涌或西貢,曾到朗屏和油塘三家村碼頭視察。3月10日他們試用鎚和鐵筆鑿開石棺,但不夠力;阿豪叫他買電鑽,他聽做地盤的朋友建議買了風炮,但都爆不開石棺。阿豪決定放棄,下午5時眾人離開單位潛逃台灣,臨走前用臭丸、殺蟲水和清新劑辟除屍臭。聆訊今續。
案件編號:HCCC459/16
■記者勞東來

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載