› 選擇地區
三藩市
紐約
洛杉磯
其他美國地區
香港 台灣 北美
 
2018年04月16日

孖女令臉癱父重展笑容

王冰蕓

【本報訊】由2013年死因庭裁定爸爸死於意外後,王冰蕓陷入一段人生低潮。也許是親父在上天眷顧,太太2014年誕下一對孿生女後,王冰蕓才慢慢走出低谷;那張當年因抵受不住沉重壓力而近乎半癱的臉,也慢慢懂得展開笑容。

相關新聞:死者子覆核後 醫委會才受理紗布封喉奪命 聆訊拖逾6年再延期

討公道壓力大

「我平時好少講嘢,亦都好少笑;講起爸爸呢件事,我更加笑唔到」,王冰蕓說,為爸爸追尋公道的頭幾年,每逢放假就是看醫療紀錄、找詮釋、寫信件,情緒很差,難以入睡。「嗰時同好多機構往來,每次喺信箱拎到(機構的)信,嗰下個心就好緊張,又成晚瞓唔到、不斷諗」。
到兩女出生後,那種巨大的壓力慢慢變輕。他指雖然絕少跟太太討論爸爸的事,「不過佢好支持我,當時護管局聆訊,佢都陪住我聽,知道我好緊張」。兩女只有4歲大,王稱未向她們講述自己硬撼高牆的事,「但到佢哋大個咗,我一定會同佢哋講,同埋教佢哋乜叫公義、點樣爭取公義」。而醫生說面癱無法醫好,只能靠自我放鬆,「所以𠵱家笑得多咗。」
■記者于健民

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載