› 選擇地區
三藩市
紐約
洛杉磯
其他美國地區
香港 台灣 北美
 
2018年04月15日

【一周必看】
伊能靜下唇厚咗 下巴變尖兼面頰拉長

有啲人做完牙齒矯正手術後,可以大變身,厚唇變成櫻桃小嘴,就好似Angelababy咁。佢都認細個有哨牙,箍牙嗰陣,牙箍將嘴唇更加頂出嚟,搞到有孖膶腸,拆咗牙箍之後就正常番晒,即係依家咁。

但都有啲「失敗」例子,好似樂基兒,佢曾話,自覺嘴唇又大又厚,阿媽迫佢箍牙,以為嘴仔會變細,點知都係咁厚咁大。

咁伊能靜呢?

就快50歲嘅伊能靜,成日自拍擺上網,不過,最近伊能靜嘅自拍照好似怪怪哋,下唇明顯厚咗好多,伊能靜都話:「怪怪的!有沒有發現!感覺下唇特別厚。」原來戴咗牙套。

「因為米粒媽戴著牙套錄節目呢!牙套戴著就會往前凸一點,牙套已經戴到快30副,明顯感覺牙齒移動了位置,牙縫拉開,下巴變尖了,兩頰也拉長,前幾天跟牙醫討論,不要顯得臉太長,怕沒有膠原蛋白的感覺,肯定有人問這還能調啊?」

「是啊!好的齒顎矯正,不是牙齒整齊而已,而是臉型的美感也能設計,醫生真的很重要啊!(效果因人而異)」似乎好吸引喎!但除咗牙套之後,嘴唇係咪會變番薄0架?

伊能靜仲話,15歲嘅小哈利依家都有戴牙齒矯正器,原來係為咗矯正齒顎咬合問題,仲要一戴就戴三年。依家只係戴咗一年。有留意伊能靜微博嘅,或者記得,去年佢帶小哈利接受下顎調整嗰陣,佢本人都「順便做埋」矯正,因為醫生話佢左右臉咬合不對正,右臉咬肌發達好多,亦也比較鬆弛,故建議佢戴上隱形矯正牙套,正如佢所講,依家已經戴到就快30副喇。

伊能靜還寫道:「各位媽媽不要像米粒媽,一直以為哥哥小時候牙齒整齊就沒問題,忽略了咬合會影響臉型和健康,預防終於治療!越小看才安心!」所以伊能靜已經plan定,等米粒6歲左右都會帶佢去check有冇齒顎咬合問題。

三人同行有冇二人收費?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載