› 選擇地區
三藩市
紐約
洛杉磯
其他美國地區
香港 台灣 北美
 
2018年04月06日

陳日君獲頒國際人權獎  
「內地教友出唔到聲 就由我出聲」

【本報訊】那些聲音本來就要墮入暗溝,消失無痕,惟義人奮力發光如同太陽,讓有耳的,終於聽見。多年來不畏攻擊、為內地受壓迫教會發聲的天主教香港教區榮休主教陳日君樞機,將於周六獲德範受迫害基督徒基金會(Stephanus Foundation for Persecuted Christians)和國際人權協會(ISHR)共同頒發人權獎,他指獎項並不屬於他個人,而是內地受苦的基督徒,「希望佢哋知道呢個世界係有好多人關心佢哋」。
記者:張嘉雯

相關新聞:獎項表揚犧牲己益宗教勇士

陳日君昨晚啟程往德國波恩,預計當地時間周六晚上接受獎項。他昨在接受本報查詢時稱,自己只是為內地的教徒領獎,「裏面啲人出唔到嚟,出到嚟都攞唔到獎」。
陳指過往的得獎者為爭取宗教自由而受過不少苦頭,包括帶頭譴責伊斯蘭國的主教和修女,他承受的根本不算甚麼,「我邊度受苦呀?我完全冇受苦」。被問到教會內外均有人攻擊他,「呢啲唔算,呢啲算乜箒,嗰陣教宗同我講,樞機(禮袍)身上嘅紅顏色係代表鮮血,代表我隨時準備好殉道,我話我冇機會殉道呀,呢啲係人哋嘅血」。

盼更多人關心中梵協議

早前有傳梵蒂岡為掃除中梵建交障礙,要求汕頭教區主教莊建堅讓位予非法主教,事件轟動教會。事後有本港傳媒訪問當地教友,感謝陳日君為內地教友發聲,陳昨晚回應時只是苦笑,「咁佢哋出唔到聲,就我出聲囉」。
陳指早在去年底接獲該組織邀請到德國領獎,但他一直擔心中梵主教協議會在復活節期間簽署,對是否出行猶豫不決,「如果真係簽咗,我唔出得嚟講嘢㗎喇,我唔會公開反對教宗,𠵱家冇簽到,咁我去歐洲講多兩句喇,希望多啲人關心囉」。
陳稱有關協議的消息令不少內地教友感到心傷,「希望佢哋知道呢個世界係有好多人關心佢哋,宗教自由係人權,但係喺中國就冇」。他讚揚被要求退位的福建閔東主教郭希錦有智慧,「雖然佢唔贊成(教會安排),但佢話佢會聽話,希望其他教區嘅人就算唔開心,都要服從,唔會造反」。
他相信關注的聲音越來越多,協議或有一線轉機,「中國𠵱家都好論盡呀,連聖經都唔准賣,話要買佢哋嘅(中國官方),要自己重新譯過」。
陳日君今次行程除了會發表講話,亦會與德國政要,包括新設立的德國宗教自由特別報告員、德國國防部前秘書長Markus Grubel會面。他表示所得獎金將用於支援內地受壓迫基督徒,但暫未想到具體處理方法,「唔可以講出嚟㗎,講咗出嚟佢哋咪惹麻煩」。
陳日君2013年亦曾獲加拿大政府選為第三屆「John Diefenbaker Defender of Human Rights and Freedom Award」得主,以表揚他對人權議題的貢獻,獎項由加拿大外交部部長頒發。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載