› 選擇地區
三藩市
紐約
洛杉磯
其他美國地區
香港 台灣 北美
 
2018年04月04日

隔牆有耳:教企位嗌口號「演員」頻蝦碌
收工男領班「戴耀廷違反基本法200條」 - 李八方

傅振中(左)帶同一班「示威者」到港大要求革除戴耀廷。林俊謙攝

示威時經常擔當「男主角」嘅「收工男」傅振中,噚日同一班自稱網民現身港大要求「快炒」戴耀廷,其間卻轉做「幕後」,全程無埋位「開工」示威,只喺旁邊指指點點,除咗指揮示威人士點企、點派新聞稿,就連嗌口號都有得教,叫示威者:「你等陣可以嗌大聲啲!或者可以嗌實一啲把聲!」唔睇以為佢轉咗行做導演。傅振中其後更連攝影師都撈埋,喺示威者受訪時混喺記者群中,舉起手機記錄過程。

講唔出聲討邊五獨

問到點解唔參與示威?傅振中解釋:「咁多網民想表達意見,所以畀佢哋做」,指「愛港力」、「沉默之聲」等團體已經靜晒,但仍有網民想表達意見,所以佢到場幫手,「唔使成日都係我講吖嘛」。
可惜傅振中悉心指導下,呢班「演員」接受訪問時仍頻頻「甩轆」,發言人鄭花蘭被問到戴耀廷犯咗邊條《基本法》時一度口窒窒答唔到,另一發言人吳卓榮代答時就話違反咗正文只有160條嘅《基本法》「第200條」,更連佢哋聲討嘅「五獨」包括邊五獨都講唔出,但就為大家嘅枯燥生活帶嚟唔少joke。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載