› 選擇地區
三藩市
紐約
洛杉磯
其他美國地區
香港 台灣 北美
 
2018年04月03日

隔牆有耳:
Bill留新東 水泉澳插旗 - 李八方

鄧家彪
互聯網

剛剛過去嘅立會補選,以工聯會、民建聯「雙牌頭」出戰新東嘅鄧家彪雖然再戰敗,但阿彪話明會繼續留喺新界東服務。八方聽聞本身係離島區議員嘅鄧家彪,或於明年區選轉區沙田落戶新區水泉澳,唔知係咪準備2020年立會選舉第三度戰新東?
鄧家彪喺新界東兩戰兩敗,若然下屆再敗,政途真係凍過水,難怪敗選後阿彪更積極落區。據知新公屋屋邨水泉澳明年區選或分拆成兩個選區,鄧家彪同新民黨社區主任梁昊佳近期拍住落區爭地盤。

「思考如何爬起來」

民主派方面,本身係乙明區議員嘅丘文俊自水泉澳邨入伙開始已經喺呢區服務,最近更加喺邨內開埋辦事處,預計會派出「徒弟」盧德明出選該區。八方問過阿彪係咪轉區水泉澳,佢話「正思考如何從新東跌倒,從新東爬起來,要向新東市民證明我係有承擔」,未有否認;丘文俊就話暫時政府都未公佈劃區安排,現階段都難以評估。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載