› 選擇地區
三藩市
紐約
洛杉磯
其他美國地區
香港 台灣 北美
 
2018年04月03日

八方相當年:
那些年化靚妝影model照 
娥姐為CY洗盡鉛華 - 李八方

兩度出選立法會新界東都落敗嘅娥姐陳玉娥,因為出位表現而爆紅,原來58歲嘅娥姐過去經歷唔少起起跌跌,至近年認識「完美男人」CY,先決定工都辭埋瞓身從政,「由以前拖住個篋去米蘭,變成日日落區派傳單囉」。

曾過闊太生活

娥姐形容自己早年一直過住貴婦生活,星期一至五返工,周末就同朋友去酒店afternoon tea嘆茶,有時更加會幫攝影師朋友做model影沙龍,「出街一定化行妝,襯好衫,都可以話係闊太」,不知幾寫意。但好境不常,娥姐同丈夫離婚,「有一句話,就係貧賤夫妻百事哀囉」。

娥姐話之後打過幾份工,做得最長果份係製造眼鏡,直至前幾年仍然不時拎眼鏡去外國參展,「黑色短裙果張相喺米蘭影,當年立法會否決政府架構重組,老實講我都好regret(後悔)飛咗。(又關你事?)我當時留喺香港就可以支持CY!」返香港參與支持國教,識到志同道合朋友,於是瞓身政治。工都辭埋係咪好大犧牲?娥姐話唔可以分身兼顧,就盡地一鋪。
屋企人支唔支持佢?娥姐話個仔淨係鍾意科技,好少理政治,佢啲朋友就有意見,「有朋友鬧我呀:『喂,Jenny,你做乜搞到個頭咁?又唔化妝!』我同佢哋講,『我真係好忙㗎,點會有時間化妝?』」嘩,放棄靚靚OL生活去從政,有冇後悔?娥姐話如果無離婚,九成唔會做。咁CY係唔係影響佢人生?「唔好咁講,唔可以話人」。CY有個處處維護自己嘅粉絲,真係羨煞旁人。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載