› 選擇地區
三藩市
紐約
洛杉磯
其他美國地區
香港 台灣 北美
 
2018年04月03日

姚松炎純談政治失公屋區支持
民協打民生牌 誓重奪九西

楊彧(右)深信民協只要做好地區工作,定可重奪九西議席。

【民主復活戰 四之四】
【本報訊】九西補選戰果一地眼鏡碎,代表民主派的姚松炎主攻網戰、高舉政治旗幟,在公屋區大敗,本身在公屋區任區議員的民協副主席楊彧直指政治議題在屋邨有如票房毒藥,網上、公屋兩個世界,至少公屋區有人非馮檢基不投。楊彧深信只要民協續重視民生,2020年的立會選舉派年輕一代出戰,一定可重奪九西這民協橋頭堡。
記者:姚國雄

相關新聞:啟晴居民:建立關係比揭發鉛水更重要

在2015年區選中在海麗邨以逾七成選票高票當選的楊彧不諱言,在公共屋邨只談政治,有如票房毒藥,「好困難㗎」。他舉例指單是向公屋居民解釋甚麼是「泛民初選」已花大量唇舌,市民根本難以理解為何先要他支持馮檢基、幾日後又叫他支持姚松炎?「講咁多內容係希望可以說服到佢(居民),但最後能否說服到,佢哋自己有盤算同考慮」。
楊坦言姚松炎在九西補選純打政治議題反DQ,在公屋區「輸得好慘」,單是其選區海麗邨,民建聯鄭泳舜便奪近半支持,幾乎與姚松炎平分秋色,區選時優勢盡失。

派新面孔戰2020年立會

歸根究柢,是公屋居民根本不認識或不認同姚:「佢哋對姚松炎嘅政治取態係覺得佢比較激進,喺一個區入面,最保守、最進步嗰批各有三成,我哋平時區議會就爭取中間嗰四成人支持,四成選民唔係睇你嘅政治取向,睇你嘅日常民生工作。」他坦言九西不少基層市民真的非馮檢基不投,「有街坊話,如果係馮檢基我就會支持,姚松炎就唔支持,因為屋邨入面真係着重感情、印象,媒體上、網上對阿基好多批評,但係喺地區上佢係有一班忠實支持者,就算楊彧叫佢投第二個,都唔係咁容易轉變佢哋投票意向。」
楊彧希望剛過去的補選結果,能喚醒民主派勿純打政治議題而置民生工作於不顧,同時警惕民協勿跟風只談政治:「大家唔好喺立法會選舉沉迷於利用政治口號、政治議題,政治掛帥。香港有一班中間選民,係好支持民主派、支持民生。所以(補選)對民協都係一啲警號,民協唔好放棄行民生路線,如果因為我哋民協以前衰過,要轉向講多啲政治議題,只會令中間選民更加離棄民協,下次建制真係隨時有六成(支持)。」
楊彧說,民協的角色的確如馮檢基所說是「中場」,因為在政治光譜上,講政治議題的政黨太多,一些中產或因政治立場票投這班「前鋒」,但總不能所有民主派一窩蜂做前鋒,民協要爭取一批重視地區工作、投票不以政治掛帥的中間選民支持:「我哋係用民生去箍緊民主派嘅票。」
楊彧指民協當下目標是守着2019年的區議會選舉陣地,起碼令現有議席不要輸掉:「民協2020年(立會選舉)會搵啲新面孔出嚟參選,唔會再係年紀大嘅嗰一輩人出嚟」,深信2020年立法會選舉,民協必有翻生機會。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載