› 選擇地區
三藩市
紐約
洛杉磯
其他美國地區
香港 台灣 北美
 
2018年04月01日

坐飛機咳兩聲被當帶菌者

陳果難忘沙士期間坐飛機被當帶菌者。

【本報訊】沙士另一樣帶給陳果的深刻體會,是當時他赴長江睇景,回程在飛機上有兩聲咳、戴上口罩,「我助手衰多口叫空姐畀杯水我飲話我唔舒服,咁就大鑊,到埗後所有人落晒機,到我落機時已經有救護車醫護人員等緊我,捉我上車即場檢驗,當正我帶菌者一樣,呢個係幾得意奇遇」。

相關新聞:免費執導 陳果:港人慣做善事

難忘講座觀眾戴口罩

為本報拍攝時陳果戴上口罩,他指:「我記得國際電影節4月舉行我做講座,台下面所有人戴晒口罩好壯觀,嗰時係好高危時期,呢個情景幾後悔冇影一張相。」當時人人口罩不離手,「其實內地好普遍,只係香港人少用,不過沙士之後就改變晒,呢樣都係好處,可以話係對社會反射作用,有少少貢獻」。
今日社會再需要演藝界站出來,還有人響應嗎?他指:「可能你想出人哋都唔畀你出啦。我覺得有乜事香港人要企出嚟幫手唔係難,只要有人吹雞號召就得,冇政治聲音咪冇事囉,總之天災橫禍就唔好分啦。」
■記者卓寶花

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載