› 選擇地區
三藩市
紐約
洛杉磯
其他美國地區
香港 台灣 北美
 
2018年03月28日

向民主黨捐3萬風波 林鄭:唔好意思

【本報訊】特首林鄭月娥早前出席民主黨黨慶晚宴時捐款3萬元,及後更在Instagram上載圖片,寫上「大和解」,惹來建制派炮轟,林鄭昨首度開腔回應,形容捐款只是「人性化」和「友情」行為,就事件引起民主黨不便和建制派不安表示「唔好意思」,又指「大和解」3字純屬特首辦一名職員自作主張寫上,她個人亦認為不適當,強調本屆政府與政黨「根本無乜大嘅仇恨」。

相關新聞:李華明:唔好搞到咁政治

稱是人性化及友情行為

建制派連日來一直批評林鄭的捐錢舉動,林鄭昨於行會前被問到上述事件時指,上周二晚只是出席正常聚會,不同政黨邀請,她都一定出席,「除非係一個鼓吹港獨的政黨,咁就唔使預我嘞」。
她解釋當晚向民主黨捐款3萬元,「我形容係一個好人性化、係一個友情的行為」,指民主黨李華明與她相識逾20年,李上台唱《笑看風雲》前指「Carrie,呢首歌唱畀你聽」,又着她留意歌詞,其後李希望捐款可以「齊頭數(30萬)」:「等咗一陣都冇人舉手,我就好下意識咁支持我朋友(李)箒,只此而已,引起咗對於民主黨的不便、同埋引起咗建制派政黨的不安,咁我只能夠講唔好意思。」

指同事擅標籤「大和解」

至於Ig同晚貼出民主黨黨慶相片並標籤「大和解」,林鄭稱只是一個特首辦同事自作主張的寫法,「佢都同我道歉咗」,又指她亦認為做法非常不適合,「因為我同政黨根本冇乜大的仇恨,唔需要去作呢個大嘅和解」,強調重視與不同政黨的互動溝通,未來若有需要,會表現得「更克制」,但強調:「我覺得社會對我有期望,我係一個行政長官,我唔係某一個政黨推出嚟去管理香港嘅,所以呢種係對事不對人呢,係我嘅施政方針。」
早前曾狠批林鄭向民主黨捐款予人買票感覺的新民黨主席葉劉淑儀稱:「我聽咗行政長官解釋,我接受佢嘅解釋」,指早前已與特首辦溝通。民主黨主席胡志偉則指對事件沒有進一步補充。
中大政治與行政學系高級講師蔡子強相信,林鄭事後受到建制派和更高層壓力而要澄清「補飛」,指事件凸顯林鄭試圖將前特首梁振英「偏向建制派、打壓民主派」的方向撥亂反正,仿效前特首曾蔭權試行中間政治路線,卻遇困難,「證明呢條中間路線真係好難行」。
■記者林俊謙

相關新聞:特首民望 預算案評價破新低

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載