蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月28日
馬上成為壹會員

學者:對佢係好事 對港人係損失

資深廣告人曾錦強指如今網台(OTT)橫行,免費電視牌照亦「冇咁值錢」。資料圖片

【本報訊】香港電視主席王維基結束8年時間的等待,確認撤回本地免費電視牌照的申請。中大新傳教授馮應謙指,這是正確的商業決定,資深廣告人曾錦強亦表示意料之內,如今網台(OTT)橫行,免費電視牌照亦「冇咁值錢」。浸大新聞系退休教授杜耀明形容,「對王維基係好事,但對香港人係損失。」

相關新聞:周家怡慨嘆:好可惜

免費牌已「冇咁值錢」

曾錦強表示,「好耐之前已經認為會唔做,始終網購個邊都未賺錢,好難開兩邊戰線,再加上電視的廣告市場收縮,當初嘅班底亦都已經各散東西,好難再組班」。他亦指出,今時今日免費電視牌「冇咁值錢」,人人都識得上網,OTT較8年前盛行,而其收入亦毋須靠廣告。
杜耀明指,過去8年見到的是免費電視發牌由無限制變成由行會及行政長官拍板,王維基「再搞都唔會有結果,咁多年佢熱誠、幹勁、動力都唔同晒啦」,認為是時候作「斬纜」,「應該早啲㖭!」但對香港市民來說卻是一個損失,失去一位有心人為業界作出貢獻。
馮應謙指出,即使新免費電視台ViuTV如此努力,最多亦只得5至8點的收視,很多時甚至是0至1點,「新嘅觀眾都俾佢拎晒,𠵱啲都唔係TVB本身觀眾」,王維基今時今日再入場亦難以有作為,「你見奇妙仲慘」。
他又指,網絡大行其道,就連TVB亦要做網上平台,免費電視牌除了像TVB有固定的觀眾群外,對新電視台並沒有優勢,沒必要同時做網以及電視。他認為,政府真正應該做的是降低市場成本,如牌照費,令經營者可以做到更好的節目。
■記者梁偉聰

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載