蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月22日
馬上成為壹會員

隔牆有耳:娥特connect白鴿 藍絲叛變狙擊 - 李八方

「林鄭粉絲蝦米煲」嘅facebook專頁正式改名做「監察林鄭施政」。互聯網

藍絲陣營最近有新project,而主角竟然係林鄭。娥特前晚喺民主黨黨慶破天荒留低食飯之外,仲即場舉手捐咗3萬蚊贊助立會前議員李華明唱歌,深藍陣營睇到眼火爆,即刻由愛變恨掉轉槍頭狙擊娥特。
先係名為「林鄭粉絲蝦米煲」嘅facebook專頁發表《公告》,話林鄭上任後推動所謂「大和解」、「屢次放生反對派政棍」,其後大數佢不是,「包括不檢控反對派黑金案議員、分開補選以便反對派奪回議席、放行姚松炎入閘等等,令我們一眾原來支持林鄭的粉絲極度失望」,所以專頁改名「監察林鄭施政」,聲言會從民間,由下而上「監察」林鄭班子,確保其施政維護一國兩制及《基本法》等大原則。
就連撐政府嘅「HKG報」亦喺fb出至少兩個po狙擊林鄭。第一個po比較含蓄,質疑「香港特首竟然毫不避嫌,捐款支持策劃佔中的主要政黨」。其後,「HKG報」再出po,貼咗「藍老師」寸爆林鄭嘅短片,當中一句「林鄭的衣裳很漂亮,不過下次如果能添配黃絲帶,就更加好看」。
相信大家都知,藍絲組織背後「金主」係非一般勢力,唔知硬淨嘅林鄭抵唔抵得住呢種壓力?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載