› 選擇地區
三藩市
紐約
洛杉磯
其他美國地區
香港 台灣 北美
 
2018年03月20日

甜品屋人情味不敵租魔

過時過節,街坊都會來甜品屋聚腳。

【本報訊】「我最快樂嘅時光都喺呢度渡過!」彩虹甜品屋在上水馬會道開業15年,負責人吳先生多年來每日現炒芝麻、即磨合桃,製作出一碗又一碗真材實料的糖水,成功吸引一班街坊、學生哥捧場,彼此更建立深厚感情。但人情味終敵不過「租魔」,業主大幅加租至10萬元,小店上周無奈結業。

相關新聞:藥房陣蔓延 上水舖租值飆3倍

「條街得番一間老舖」

椰皇湯丸、芝麻糊、合桃糊等都是彩虹甜品屋的招牌貨,每碗糖水成本高、工序繁複,但價錢最平20多元有交易,成功吸引一班街坊、學生哥成為捧場客,「呢度好似區內聚腳點咁,一家大細、成班朋友想聚埋一齊就會話來Rainbow」。他更與客人打成一片,「我最快樂嘅時光都喺呢度渡過,過時過節班街坊都會來,大家感情好好」。
人情味終敵不過租魔,業主加租至10萬元,「咁多年都係做街坊生意,呢個租金真係做唔到落去」。他又稱,在馬會道經營逾10年的小店逐漸消失,「上水變晒,連我哋都走埋,呢條街得番一間舖係做超過10年」。
甜品店上周無奈結業,「好多街坊唔捨得,個個鬧我哋做乜唔做,我哋都話冇辦法,租貴之餘,又請唔到人」。他更透露,有藥房高價以每小時60、70元聘請員工,令小店難以請人。他早已擔心業主加租,去年在上水中心廣場開設分店,但店舖面積減少近半,「呢度最終都捱唔住要結業,希望一班街坊去分店支持,延續街坊情」。
■記者譚靜雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載