› 選擇地區
三藩市
紐約
洛杉磯
其他美國地區
香港 台灣 北美
 
2018年03月09日

隔牆有耳:
郭醫生追問閨房能力 
岳少:冇必要吹噓 - 李八方

郭家麒大爆岳少閨房私密,搞到岳少扮出手還擊。林俊謙攝

公民黨立法會議員噚日同傳媒舉行新春團拜,不過八方估唔到團拜嘅焦點並唔係公民黨議員同傳媒、市民拜年,而係黨魁楊岳橋(AY)竟然想打郭家麒,仲燒埋去AY嘅「閨房私密」。

不停被催生 面都紅晒

話說團拜期間,幾名議員應傳媒要求大合照,呢個時候AY竟然作勢要打郭醫生,究竟發生乜何事?原來正當AY諗緊講咩新年賀辭,郭醫生突然高喊:「楊岳橋生仔咪得囉!」嚇到AY當堂大嗌:「唔好亂噏啊!郭家麒!」
不過郭醫生並冇放過佢,再加多一句話:「咁或者生囡囉!生孖胎都得!」激到AY紮紮跳!到AY同傳媒食飯傾偈,當講到唔少傳媒都關心新婚嘅AY,幾時再有好消息公佈時,同枱嘅郭醫生又加把口,仲不忘製造懸疑笑笑口話:「佢(AY)有冇帶楊太出嚟畀你哋見?佢𠵱家可能唔方便呢?」暗示楊太有喜咁,搞到AY即時面都紅晒,再三強調自己真係冇生仔計劃。
呢個時候郭醫生仲唔放過AY,聽到AY咁講再搭嘴,話相信傳媒關心AY係有心無力?定有心有力?今次郭醫生燒到AY閨房私密,AY梗要即刻反擊!佢好堅定話呢啲問題只會對一個人負責,話呢啲無謂喺傳媒面前披露,佢仲加多句亦冇必要喺大家面前吹噓自己喎!

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載