› 選擇地區
三藩市
紐約
洛杉磯
其他美國地區
香港 台灣 北美
 
2018年03月09日

報販:賣咗咁多年好唔捨得

《壹週刊》下周出版最後一期紙本後,將絕迹報攤。何家達攝

【本報訊】《壹週刊》下周出版最後一期「實體版」,女報販「靚姐」昨稱不捨得,亦覺得不意外,「雜誌越嚟越薄,我最近都覺可能差唔多(結束)」。
「靚姐」指近年雜誌銷量下跌,只餘上年紀的客人會購買,「冇後生仔買雜誌,個個用智能電話睇新聞」。她指雜誌銷量差,一晚可能賣不到10本,旺角地區競爭激烈,報販更要減價1元出售。
「靚姐」指,兒子讀小學時《壹週刊》已出版,現時兒子已經30多歲,其間見證雜誌變化,「變化係越嚟越靜、越嚟越冇人買,啲書越嚟越薄」。

相關新聞:前記者:前景悲觀預咗會摺

雜誌需減價1元促銷

她指大部份人上網看新聞,雜誌慢慢變得多餘,「好唔捨得囉,你賣咗咁多年,對慣咗咁多年嗰本書,你會感覺唉又執啦」。
時代變化,賣雜誌再非報販主要收入,現時旺角報攤的《壹週刊》一如其他雜誌要減價1元,售價19元,報販每賣一本只賺2至3元。「靚姐」指現時的打火機、紙巾、馬經銷量更好,「你賣雜誌死梗!我冇睇雜誌好耐,我自己都係上網睇」。
對於《壹週刊》轉攻網上版,她認為前景難料。亦有報販指,轉型是順應潮流,但未必賺錢。
■記者潘柏林

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載