› 選擇地區
三藩市
紐約
洛杉磯
其他美國地區
香港 台灣 北美
 
2018年03月07日

隔牆有耳:參觀國家行政學院
林鄭特訓公務員 - 李八方

林鄭月娥到訪國家行政學院,稱有助日後喺本港開設公務員學院。

身在北京嘅特首林鄭月娥前日列席人大開幕後走訪不同機構,噚日朝早佢特別參觀國家行政學院,並同學院領導會面,為施政報告提出要設立嘅公務員學院取經。

爆公務員學院有選址

娥特致辭時爆料話初步已為學院搵到合適地方,課程會包括注重「加深公務員對國家發展和中央與特區關係的認識」,希望呢次參觀有助建院計劃,而學院未來會開放畀對公共行政有興趣嘅人。國家行政學院常務副院長馬建堂就話,政務司司長張建宗同公務員事務局局長羅智光去年先後到訪國家行政學院,探討開設公務員學院嘅事,佢話若香港喺籌備公務員學院時有需要,會義不容辭協助。
而林鄭就算在京亦同中聯辦主任王志民行埋,前晚孖住出席香港各界青少年活動委員會舉辦嘅座談會,了解港青喺內地學習同發展嘅經驗。
而林鄭身在北京為公務員學院取經之際,公務員事務局局長羅智光(Joshua)亦展開歐洲訪問行程,包括到訪芬蘭同法國,主要了解公務員管理同培訓嘅情況,實行同娥特分頭出擊,連取經都要中西合璧。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載