› 選擇地區
三藩市
紐約
洛杉磯
其他美國地區
香港 台灣 北美
 
2018年03月05日

隔牆有耳:
王志民搞image開blog軟銷 - 李八方

政界流傳中聯辦角色稍後有變,會加強社團組織聯繫,說到尾都係動員力要大增,唔知上任近5個月嘅中聯辦主任王志民有咩計仔?但好肯定係佢識搞軟銷,除咗開設員工網誌,又破天荒舉辦開放日,呢種剛中帶柔作風,顯示佢知道形象工程嘅重要性。

搞開放日話要門常開

王志民去年9月底接替調任港澳辦主任嘅張曉明做西環話事人,對港獨問題立場同樣硬,表明零容忍,但厲害之處係同時識施柔功,例如曾經喺酒會致辭借表揚港專校長陳卓僖「旗幟鮮明地慷慨闡述愛國愛港宗旨」暗批港獨,又曾經話過對佔中離家住帳幕嘅年輕人感痛心,軟硬兼施。
王志民曾經喺新華社香港分社工作,似乎較張曉明更了解香港玩法,知道形象工程好重要,所以上任後先增設「員工專欄」,等中聯辦員工分享在港日常生活點滴,就連副主任楊健亦曾執筆,近日又稱會搞開放日畀市民參觀中聯辦大樓,話要做到門常開。
有建制派分析梁振英下台,市民怨氣減,而林鄭上場後嘅平穩局面,有利中聯辦推新猷而未惹太反彈,最終「時勢造西環」。民主派日後係咪會捱打?民主黨立法會議員林卓廷唔係咁諗,佢話即使王志民試圖搞形象工程,但由於北京對港政策無放鬆甚至越趨強硬,相信王嘅軟招「冇乜大作用」,唔擔心日後動員群眾難度增加,相信市民眼睛雪亮。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載